મારી કોઇ ડાળખીમાં પાંદડા નથી
મારી કોઇ ડાળખીમાં પાંદડા નથી
મૂવી / આલ્બમ :
- અજ્ઞાત -
સ્વર :
સોલી કાપડીયા
લેખક :
અનિલ જોશી
સંગીત :
પુરુષોત્તમ ઉપાધ્યાય
Lyrics
મારી કોઈ ડાળખીમાં પાંદડા નથી
મને પાનખરની બીક ના બતાવો !
પંખી સહિત હવા ચાતરીને જાય
એવું આષાઢી દિવસોમાં લાગે,
આંબાનું સાવ ભલે લાકડું કહેવાઉં
પણ મારામાં ઝાડ હજી જાગે.
માળામાં ગોઠવેલી સળી હું નથી
મને વીજળીની બીક ના બતાવો !
એકે ડાળીથી હવે ઝીલ્યો ન જાય
કોઈ રાતી કીડીનોય ભાર !
એક પછી એક ડાળ ખરતી જોઉં ને થાય
પડવાને છે કેટલી વાર ?
બરફમાં હું ગોઠવેલું પાણી નથી
મને સૂરજની બીક ના બતાવો !